تحدث الفنان مصطفى أبو سريع عن الموهبة المتألقة الشابة مارتينا والتي تجسد دور أحلام في مسلسل عمر أفندي والتي كان يجمعها قصة حب بدياسطي ويجسد دوره الفنان مصطفى أبو سريع، مشيرا إلى أنها من ترشيحه ويجد أن لديها الكثير لتقدمه.
مصطفى أبو سريع: مارتينا ترشيحي ولسة عندها أكتر
وقال مصطفى أبو سريع في تصريحات رصدها موقع تحيا مصر خلال لقاءه في برنامج الراديو بيضحك وتقدمه الإعلامية فاطمة مصطفى: مارتينا كانت ترشيحي للمخرج أنا شايفها موهوبة جدا وعندها اكتر من كدة بكتير.
وعن كواليس ارتداءه ملابس امرأة ضمن أحداث مسلسل عمر أفندي، قال مصطفى أبو سريع: كنت خايف من المشهد ده جدا لأنها ممكن تتاخد في حتة استظراف أو استخفاف، لكن أما تبقى الشخصية حقيقية الناس بتصدقها وهو عمل كدة من عفويته وكنت خايف يطلع مني صوت راجل.
مصطفى أبو سريع عن أحمد حاتم: مريح وفي تفاهم كبير بينا
وعن تعاونه مع الفنان أحمد حاتم، قال مصطفى أبو سريع: أحمد حاتم مريح جدا في التعامل نفسيا وإنسانيا وفيه تفاهم وكيمياء كبيرة جدا بينا، ومش أول مرة اشتغل معاه ومشاهدي مع أحمد بحس انها مريحة جدا وحقيقية مش تمثيل، والناس دلوقتي بتتكلم عليه انه زي الطرحة السودة بيليق على أي واحدة فأنا شايفة يليق على اي واحد بيمثل قدامه مش واحد بس.
مصطفى أبو سريع: مشهد أغنية يا قمر لو فيه اتنين منك كان اقتراحي
واستكلم مصطفى أبو سريع حديثه، قائلا: مشهد أغنية عمرو دياب "يا قمر لو فيه اتنين منك" كان اقتراحي وواخده من اللمبي، احنا اتناقشنا في الموضوع ده بيني وبين أحمد حاتم وقولتله أنه هيجي لعالمنا فلازم يجيلي حاجات عندهم انا مش عارفها واحنا مع عمرو في اي حاجة، عمرو دياب أي حاجة بنقولها احنا بنحبها.
ويعد مسلسل عمر أفندي من بطولة الفنان أحمد حاتم إلى جانب كلا من النجوم مصطفى ابو سريع واحمد سلطان ومحمود حافظ وزينب العبد ومحمد رضوان وآية سماحة ورانيا يوسف ونخبة من نجوم الفن الآخرين، ودارت فكرة العمل حول الانتقال بالزمن من خلال عمر أو علي الذي يعود إلى فترة الأربعينات عن طريق السرداب.
