يا ترى امته الحكومة هتزود المعاشات عشان تلبي احتياجات ملايين المستحقين ليها، وهل لو تم إقرار زيادة جديدة قريب هتكون بنسبة كام وامته بالظبط.. هنقولك كل التفاصيل في الفيديو ده.
بص يا سيدي، احنا في مصر، عندنا حوالي 11 مليون مواطن من أصحاب المعاشات، وطبعا كلهم بيستنوا الزيادة في المعاشات اللي بتقرها الحكومة كل سنة، وخاصة في السنة دي 2024 خاصة بعد قرار الحكومة بصرف علاوة 5% للموظفين، يعني كده فاضل الدور على أصحاب المعاشات.
وكانت آخر زيادة في المعاشات في 1 مارس اللي فات بنسبة 15% وطبعا، كلنا عارفين إن المعاشات ببتصرف في اليوم الأول من كل شهر، وأن زيادة المعاشات بتتم كل سنة سفي شهر يوليو، لكن ساعات بيتم تبكيرها أو صرفها قبل يوليو.
ووفقا لكلام المسئولين، فالظروف الاقتصادية الصعبة اللي كانت سببها الحرب الروسية الأوكرانية وأزمة كورونا، واللي نتج عنها زيادة التضخم أو ارتفاع الأسعار، خلت الحكومة تقدم صرف زيادة المعاشات السنة دي لشهر مارس 2024 بدل من يوليو، وبكده نقدر نقول إن الحكومة صرفت نسبة 15% على المعاشات في شهر مارس اللي فات، واللي كلفت الدولة حوالي 66 مليار جنيه، واستفاد منها حوالي 11 مليون مواطن.
كمان شبح التضخم دفع الحكومة لتقديم حزمة دعم إضافية لأصحاب المعاشات، زي صرف مبلغ مقطوع قيمته 300 جنيه في شهر أكتوبر 2023، بالإضافة لتحسين الخدمات المقدمة للمواطنين والتخفيف من معاناتهم.
طب يعني في زيادة السنة دي ولا لأ؟
بص يا سيدي، طبقا لقانون التأمينات والمعاشات مافيش زيادة في المعاشات السنة دي، خاصة بعد إعلان وزيرة التضامن الاجتماعي أمام البرلمان، أن إقرار زيادة سنوية للمعاشات لا تزيد عن 15%، وأن زيادة هذا العام تم صرفها بالفعل في شهر مارس الماضي.
كمان المادة 35 من قانون المعاشات بتنص على: أن تزاد المعاشات المستحقة في 30 يونيو من كل عام اعتباراً من أول يوليو بنسبة معدل التضخم بحد أقصى لنسبة الزيادة (15%)، ولا تزيد قيمة الزيادة في المعاش على نسبة الزيادة منسوبة إلى الحد الأقصى لأجر الاشتراك الشهرى في 30 يونيو من كل عام، على أن يتحمل صندوق التأمين الاجتماعى نسبة الزيادة عن جزء المعاش الذى يلتزم به، وتتحمل الخزانة العامة بباقي قيمة الزيادة، وتعتبر الزيادة جزءا من المعاش عند حساب الزيادة التالية.
طب بما اننا في 1 سبتمبر، امته موعد صرف المعاشات؟
المعاشات بتتصرف في اليوم الأول من كل شهر، يعني لو حضرتك من أصحاب المعاشات، انزل دلوقتي وأقبض.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
