كشفت الراقصة دينا عن عدد زيجاتها وموقفها من الزواج مرة أخرى، وذلك من خلال لقاء لها ببرنامج القاهرة اليوم.
الراقصة دينا تتحدث عن عدد زيجاتها
وقالت دينا في تصريحاتها التي يرصدها موقع تحيا مصر: أكتر واحد حبيته وأنا صغيرة جدا وأتوفى وأنا عندي 15 سنة، اتخطبنا وعملت خطوبة ولبست فستان أبيض قصير عندي صوره، كان أخو هادي الجيار كان اسمه طارق الجيار الله يرحمه، دا أول وأهم حب في حياتي، وأنا اتجوزت 9 مرات، مش رقم مفزع تحية كاريوكا اتجوزت 13 مرة، معنديش مانع أتجوز، بستغرب من اللي بيقول مش هعمل كده تاني تعرف منين الدنيا هتوديك فين، أنا مكنتش مخططة إني أتجوز 9 مرات لو عليا لأ، أصحابي لما واحدة تطلق بمنعها.
دينا: أنا رومانسية جدا
وتابعت دينا: أنا رومانسية جدا، بس الحب مش موجود أنت بتخلقه، مفيش حاجة اسمها حب أنت اللي بتبقى عايز تعيش في حالة حب فبتعيش اللحظات السعيدة اللي بتديها لنفسك لحد ما البلونة تفرقع، الحب اللي من أول نظرة دا في المسلسلات التركي.
وفي اللقاء ذاته، تحدثت دينا عن منتقدي امتهانها مهنة الرقص، فقالت: أنا حرة، هو أنا بروح لهم أخبط عليهم في البيت أرقصلهم اللي بيضايق ميتفرجش، شغلتنا أنت بتجيبني بفلوس مش ببلاش أنت بتدفعلي، المكان بيجبني بيدفعلي لو أنا مش كفء لا هيجبني ولا هيدفعلي.
الراقصة دينا تكشف سر شبابها
وسبق وأن تحدثت الراقصة دينا عن سر حفاظها على شبابها وذلك خلال برنامجها الجديد الذي أتى بعنوان "اسمع من دينا"، والتي تظهر له للحديث عن حياتها الشخصية والرد على تساؤلات الجمهور حول عدد من الأشياء التي تثير انتباههم.
وقالت دينا في فيديو رصده موقع تحيا مصر عبر حسابها الرسمي بموقع تبادل الصور والفيديوهات انستجرام من برنامجها الجديد اسمع من دينا، والذي رصده موقع تحيا مصر: أحيانًا بيقولوا حاجات تضحك، يعني مثلًا يقولوا إنتي كبرتي، هو إنتي ميبناش عليكي الكبر ليه؟، مش بكون فاهمة وضايعة بين الاتنين، أنا كبرت ولا ميبانش عليا الكبر، لكن مش بتأثر أوي علشان ما أضايقش اللي بيحبوني ومش معترضة على كلامهم، وأنا كبرت بجد لكن مش بيبان عليا الكبر.
