استعرضت سيدة تجربتها مع معامل الفا Alfa Laboratories معامل الفا ، محذرة من التعامل مع المعمل رغم شهرته.
وقالت صاحبة الواقعة مستعرضة تجربتها عبر السوشيال ميديا، "معامل الفا اللي المفروض من أفضل أماكن التحاليل في مصر المفروض تحاليلهم تكون معتمده والدتي عملت تحاليل CBC ووظائف كلي في معامل الفا Alfa Labs - معامل الفا وللأسف نتيجة التحاليل بتقول ان عندها انيميا حاده ووظائف الكلي عاليه جدا (فشل كلوي) وبناءا علي نتيجه التحليل روحت لدكتور كلي".
وتابعت،" اللي اخد قرار فوري بناءا على التحليل( بما انه من أصدق المعامل في مصر) بحجز ماما في المستشفى فورا لتركيب ماهوكر ( كانيولا وريديه بتركب في الرقبه استعدادا لغسيل كلوي ) وتم التركيب فورا لإنقاذ الحاله قبل تسمم الدم والمستشفي عملت تحليل وانتظرت النتيجه تطلع علشان تتابع النسبه يوميا وهنا كانت المفاجاه ان تحليل ماما سليمه ومفيش اي حاجه عندها والمستشفى شكت في معاملها و عادت التحليل تاني لاني طبعا جايبه تحاليل من مكان المفروض محترم وللمره التانيه التحليل سليم والحمد لله طبعا انه سليم الحمد لله مليون مره"
وتابعت ،" عملنا تحاليل في مكان ثالث المختبر علشان يفصل بين المعملين والحمد لله أكد نتيجه تحاليل المستشفي و برده ماما سليمه الحمد لله وده بيدل ان عينه الدم في معامل الفا اتبدلت ودي نتيجة عينه حد تاني والنتيجه ان حد سليم اتبهدل ودخل مستشفي ودفع مبلغ مالي كبير وهو سليم الحمد لله وحد تعبان طلع نتيجته سليمه وبالتالي ما اخدش الرعايه المناسبة لانه سليم يعني الاثنين اتبهدلوا".
وقالت،: المعمل المحترم بهدل امي وبهدلنا كلنا نفسيا وقعدنا 4 ايام بنموت بسبب نتيجه التحاليل اللي بتقول ان امي عندها فشل كلوي و وبهدلها صحيا بتركيب الموهوكر اللي تركيبه صعب جدا ومؤذي جدا وقعدت يومين مش بتنام بسببه واستنزفنا ماديا في مبلغ كبير حسبي الله ونعم الوكيل ومش هاسيب حق امي وهارفع عليهم قضيه ان شاء الله اوعوا تتعاملوا مع الفا Alfa Laboratories - معامل ألفا".
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
