خفض ومراقبة الأسعار واحد من اهم اهداف الحكومة في الوقت الحالي، خصوصا بعد المهازل اللي حصلت في الأسعار في عهد الوزير السابق علي المصيلحي، يا تري اية اللي بتعمله الحكومة علشان تخفض الأسعار.. هل فعلا في اسعار سلع انخفضت ولا لا.. تابعونا للنهاية .
كلنا شوفنا اللي حصل في الأسعار في عهد الحكومة اللي فاتت، والمهازل اللي حصلت في الأسعار واللي مكنش في عليها اي رقابة من جانب وزارة التموين في عهد الوزير السابق علي المصيلحي، وطبعا كلنا شوفنا كمان اللي عملته معاه الناس لما كان بفتتح أحد معارض أهلا رمضان في أحد المحافظات والهجوم اللي حصل من المواطنين علي الوزير بسبب عدم تحكم الوزارة في مراقبة الأسعار.
وطبعا كلنا كنا متأكدين أن التعديل الوزاري اللي قامت بها الحكومة في تشكيلها الحالي هيتضمن تغيير وزير التموين والتجارة الداخلية وده اللي حصل فعليا وتم الاستعانة بالدكتور شريف فاروق، واللي بدأ مهام وزارته بجولات مكثفة لمراقبة الأسعار في اغلب المحافظات وفعلا نتائج الزيارة دي بدأت تبان علي الأسعار واللي فعلا انخفضت بمقدار معقول خصوصا في السكر والشاي والفول والعدس، والبيض وزيت الذرة والمكرونة.
الدكتور خالد عيش رئيس النقابة العامة للصناعات الغذائية قال إن انخفاض أسعار السلع بيرجع للجولات اللي بيقوم بها وزير التموين لمراقبة الأسعار ومتابعتها، وقال كمان أن في رد فعل إيجابي من الغرف التجارية للسلع الغذائية، واللي حاليا بتحاول تساعد الدولة وتنفيذ خطة الحكومة في انخفاض أسعار السلع علشان ترفع العبئ من علي كاهل المواطن، وأن الغرف التجارية بتقوم بوضع جدول زمني معين في المعاملة مع التجار في كل محافظة عن طريق مقابلة المحافظ المسؤول عن كل محافظة، وتطبيق القرارات على جميع المحافظات.
عيش كمل كلامه وقال كمان أن انخفاض الأسعار له علاقة بسعر الصرف أكثر من علاقته بزيادة المعروض، وفي حالة زيادة سعر الدولار اسعار السلع هتزيد معاه، بالإضافة لوجود بعض الحاجات التانية اللي بتأدي الي انخفاض الأسعار زي زيادة الطاقة الإنتاجية وزيادة مدخلات الإنتاج.
طيب هل الأسعار في الفترة اللي جاية هتزيد ولا هتنخفض تاني؟.
شعبة المواد الغذائية باتحاد الغرف التجارية توقعت مزيد من انخفاضات السلع في الفترة اللي جاية بنسب هتتراوح بين 5 و8% في الفترة اللي جاية، وقالت أن انخفاض أسعار السلع الغذائية الأساسية زي سعر الزيت أو سعر المكرونة واسعار بيض المائدة بيرجع لأنخفاض تكاليف الإنتاج واللي انخفضت بسبب هبوط أسعار مدخلات الإنتاج زي الأعلاف والدقيق والحبوب الزيتية، وقال كل ما مدخلات الإنتاج هتقل كل ما اسعار السلع في الأسواق هتخفض اكثر من كده خصوصا مع الرقابة الشديدة الموجودة من جانب الحكومة ممثلة في وزارة التموين والتجارة الداخلية حاليا علي الاسواق والجولات الميدانية اللي بيقوم بيها وزير التموين والتجارة الداخلية لمراقبة التزام التجار بالاسعار بالإضافة الي المعارض الخارجية اللي بتنظمها الوزارة في كل المحافظات زي معارض أهلا رمضان وأهلا مدارس بالإضافة الي مبادرات وزارة الداخلية لخفض الاسعار زي مبادرة كلنا واحد .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
