ايه اللي بيحصل في البنوك بعد تثبيت سعر الفايدة على الايداع والاقتراض وايه مصير شهادات الادخار ذات العائد الكبير وايه فرص الاستثمار التانية.. شوف التقرير التالي وهتعرف التفاصيل خليكم معانا
عارفين طبعا أن لجنة السياسة النقدية في البنك المركزي المصري قررت الخميس اللي فات تثبيت سعر الفايدة عند معدلاتها الحالية وبعد القرار سادت حالة من الاستقرار في الأسواق لكن قرار التثبيت للمرة التالتة فتح الباب لإمكانية خفض سعر الفائدة في الاجتماعات الجاية في حال استمر هبوط نسب التضخم وتحسن المؤشرات الاقتصادية بعد الزيادات الأخيرة في المواد البترولية والكهرباء وقبلهم سعر الخبز وأكيد قرب خفض سعر الفائدة هيفتح الباب لقرارات تانية هتخص أصحاب شهادات الادخار عالية الفايدة في البنوك.
طيب ايه اللي هيحصل في شهادات الادخار العالية دي؟
شوف حضرتك البنوك طرحت شهادات ادخار بعائد كبير جدا عشان تسحب السيولة النقدية من السوق وتقلل وتحاصر زيادات التصخم وارتفاع الأسعار في الأسواق والبنوك كانت مضطرة لدا في وقت من الأوقات لمعالجة أزمة موجودة لكن دلوقتي ومع انخفاض معدلات التضخم وحصول تحسن كبير في قطاعات الاقتصاد هتبدأ البنوك في إعادة النظر في الشهادات دي لأن تكلفتها عالية جدا على البنوك وبترهقها مالياً.
وفي الساعات الأخيرة كشفت مصادر في بنكي الاهلي المصري ومصر أن لجنة الأصول والخصوم بالبنكين هيعقدوا اجتماع الاسبوع دا لبحث خفض أو إلغاء الفايدة على شهادتي 27% و 23.5%.
ودا معناه طبعا ان أصحاب الشهادات او اللي بيفكر يستثمر فيها ويشتري هيعيد النظر ويفكر في نوع تاني من الاستثمارات يكون مربح ليه اكتر وزي ما احنا عارفين إنه مع خفض سعر الفايدة سعر الدهب بيزيد بشكل كبير ودا لأن فيه علاقة عكسية بين سعر الفايدة والدهب ودا غير أن فيه توقعات اصلا بخصول ارتفاعات قياسية جديدة في سعر المعدن الأصفر في الفترة الجاية رغم الانخفاض المؤقت في الأسعار دلوقتي والتوقعات العالمية بتأكد ارتفاع أسعار الدهب بعد اجتماع مجلس الاحتياطي الفيدرالي الأمريكي أو البنك المركزي الأمريكي واحتمال خفضه لسعر الفائدة ودا معناه زيادات قوية في أسعار المعدن النفيس.
طيب لو معاك سيولة دلوقتي تعمل ايه
اكيد طالما البنوك ناوية تخفض اسعار الفايدة على شهادات الادخار ومع الارتفاعات المتوقعة في أسعار الدهب يبقي الأفضل الاستثمار في الدهب ودا اللي بتقوله المنطق دلوقتي لأن المكسب هيكون كبير مع الزيادات الجاية في الأسعار وفيه خبراء اقتصاد شايفين بجانب الدهب أن الاستثمار في العقار دلوقتي مربح جدا مع استمرار انتعاش سوق العقارات والطلب المتزايد عليه في الأسواق دلوقتي والخبراء دول شايفين كمان إن المستقبل للعقار في الشهور الجاية مع ارتفاع التكلفة والإقبال الكبير على التأجير والبيع والتقديم في مشروعات العقارات الحكومية.
ولو ليك خبرة في التجارة تقدر تستثمر فلوسك في مشروع خاص بيك وتريح دماغك ودا ليه ميزات كبيرة أولها أن فلوسك هتفضل قدام عينيك وبخلاف إن ارباح المشروع بتبقي كبيرة وعندك الفرصة توسع نشاطك في أي وقت وكمان تقدر تحصل على سيولة بشكل مستمر من أرباح مشروعك ولو عندك خبرة في الاستثمار بالبورصة هتبقى محظوظ لانه استثمار مهم جدا ومربح
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
