عبر الإعلامي عمرو أديب؛ عن أمله في عودة نادي الزمالك إلى المركز الثاني في بطولة الدوري أو يصل إلى نهائي كأس مصر ويصبح الوصيف.
وقال أديب خلال برنامج "الحكاية" المذاع على قناة "أم بي سي مصر": "زي ما بنتكلم في الدوريات الكبيرة خلينا نتكلم عن الدوري المصري حاجة جامدة وكبيرة زيه زي الدوري الألماني والفرنسي والانجليزي أنتوا عارفين الدوري بتاعنا قوي جدا وبردو خلينا نشوف ايه الاخبار ونشوف أخبار نادي الزمالك اللي أنا بقالي مده نفسي يرجع تاني تاني".
وأضاف: "يعني أنا بقي أملي دلوقتي مش الزمالك ياخد دوري أو كأس؛ انا نفسي الزمالك يرجع تاني في المركز التاني نبقى الوصيف حتى تاني؛ اللي مكانش عاجبني زمان وكنت متبطر عليه دلوقتي أنا عايزه يرجع تاني من تاني؛ الزمالك يرجع في المركز التاني أو يوصل لنهائي الكاس ويبقي الوصيف".
وتابع: "أو يوصل في الدوري والأهلي يبقي واحد الدوري والزمالك التاني أنا نفسي أبقي التاني تاني اللهم لا اعتراض اللهم دي نعمة واحنا كنا متبطرين عليها فاعدها لنا اللهم أننا كنا متبطرين ومزويدنها رجعلنا الزمالك تاني في المركز التاني قادر يا كريم".
وانهي الزمالك بطولة الدوري في الموسم المنقضي في المركز الثالث فيما حل بيراميدز ثانيا وحقق الأهلي لقب البطولة كما ودع الزمالك بطولة كأس مصر من دور الـ 16 بعد خسارته أمام فريق طلائع الجيش.
