توعد الفنان مصطفى كامل للمفسدين في نقابة المهن الموسيقية والغير قائمين على أعمالهم بإتقان وتفاني شديد، وذلك أثناء المؤتمر الصحفي الذي أقامه في مقر نقابة المهن الموسيقية في الساعات القليلة الماضية وحضره عدد كبير من الإعلاميين والصحفيين.
مصطفى كامل: اللي يشوف باطل ويسكت يمشي
وقال مصطفى كامل في تصريحات رصدها موقع تحيا مصر على هامش المؤتمر الصحفي: اللي مش قد إنه يدير أمور الناس يسيب الكرسي لغيره.. واللي مش قادر يقعد علشان يعامل ربنا في الناس اللي بتشتغل في الشارع أو الكبير في السن معندوش وسيلة غير البيت دا يمشي، واللي يشوف باطل ويسكت يمشي، ولو كل مسؤول راعى ربنا في المؤسسة اللي هو فيها البلد مش هتعاني، البلد فيها خير وبرضه فيها حرامية وفيها صامتين كتير وأنا لن أقبل بالفساد.
وأضاف: في ناس بتفكرني بقول الكلام وأطنش ولكن أنا مش هسكت، وأي حد مش هيشتغل بما يرضي الله لازم يمشي.. لأن المجهود دا مجهود ربنا اللي يعلم بيه إنك تتابع خلال الـ 24 ساعة كل محافظة بكل مشاكلها.
مصطفى كامل: إيرادات نقابة الموسيقيين بالساحل الشمالي 32 مليون جنيها
كشف الفنان مصطفى كامل العديد من التفاصيل الخاصة بإيرادات نقابة الموسيقيين في الساحل الشمالي، فضلا عن سبب قلة ظهوره في البرامج التليفزيونية خلال الفترة الأخيرة، قائلا: إيرادات الموسيقيين من الأرشيف الخاص بالساحل الشمالي 32 مليونا و584 ألف جنيه، كلنا عايزين نشتغل، لكن الفنان عرض وطلب سواء مطرب أو ممثل.
وأضاف مصطفى كامل: من بعد ما دخلت النقابة خدت قرار إن أقلل من المداخلات التليفزيونية لأن في ناس بتكون عايزاك طول النهار تتكلم عن اللي اتجوزت وخلفت، وأنا كان همي أننا نصلح حال المؤسسة اللي تستاهل أم كلثوم وكانت أهدافها واضحة.
المؤتمر الصحفي لنقابة المهن الموسيقية
جدير بالذكر، أنه يتضمن المؤتمر الذي يقيمه مصطفى كامل حاليا إعلان الحقائق الكامله لكافة الأمور العاصفه التى مرت بها النقابه خلال الايام الماضيه وإجابات واضحه وناريه على لسان النقيب العام من واقع الأحداث التى شغلت الرأى العام منها. ازمه الفنان محمد فؤاد و هيفاء وهبى وأزمة حسن شاكوش مع تونس واخيرا، مشكله سعد الصغير، وغيرها من الموضوعات وسوف يتحدث بكل صراحه وشفافيه عن دور النقابه من تلك الاحداث التى طرأت.
