في بوادر أزمة حالية هتظهر في الايام اللي جاية، وللاسف هتاثر علي الاسعار بالأسواق وخصوصا اسعار الفراخ.. ياتري اية هيا الأزمة دي واية تاثيرها علي الاسعار في مصر.. لو عايز تعرف كل ده شوف التقرير ده للأخر.
مصر في الفترة الحالية بتشهد استقرار نسبي في اغلب الأسعار في الاسواق وده بسبب الخطوات الايجابية اللي قامت بيها الحكومة علي مدار الشهور اللي فاتت واللي طبعا كان لها انعكاس مباشر علي الاسعار والتعاملات اليومية للمواطن المصري في الأسواق، وده من اهم الحاجات اللي شهدت استقرار هيا اسعار الفراخ البيضاء واللي شهدت تراجع كبير بعد ما وصل سعر الكيلو لأكتر من 100 جنية، وحاليا الأمور مستقرة بشكل كبير .
طيب اية هيا الأزمة اللي هتاثر علي اسعار الفراخ في الاسواق؟.
حاليا في أزمة كبيرة جدا في قطاع الدواجن وهيا ارتفاع أسعار كتاكيت التسمين اللي تسببت في خسائر كبيرة لمربي الدواجن، والأزمة دي وراها كام شركة بتحاول السيطرة على السوق عن طريق خفض معدلات التوزيع على المربيين .
مصادر بوزارة الزراعة واستصلاح الاراضي قالت أن صناعة الدواجن بتبدأ من حلقة شركات الجدود اللي بتنتج كتاكيت إنتاج الأمهات، وهيا اللي بيشتريها مربي الأمهات علشان تدخل في دورة إنتاج جديدة بتوصل لـ 7 شهور علشان تخرج كتاكيت التسمين اللي هيا أساس إنتاج الدواجن اللي بتوصل للمستهلك.
طيب سعر كتاكيت التسمين في الوقت الحالي بيوصل لكام ؟.
حاليا اسعار الكتاكيت وصلت لأعلي مستوي ليها وبيوصل سعر الواحد منهم لـ 40 جنيها للكتكوت وده بيعتبر سعر قياسي بيهدد بخروج عدد كبير من مربيين الدواجن من السوق بسبب ارتفاع تكلفة الإنتاج.
وزار الزراعة واستصلاح الأراضي حاليا بتحاول تحاصر الأزمة، وفعلا حصل تواصل بين المسئولين في الوزارة مع شركات الجدود الكبرى بالاضافة لشركات الأمهات الكبرى علشان يعملوا اجتماع ويحطوا حلول لأزمة ارتفاع أسعار الكتاكيت.
مصادر بوزارة الزراعة واستصلاح الأراضي قالت أن الدولة حاليا بتبحث إتاحة عملية استيراد جدود وأمهات الدواجن لعدد أكبر من الشركات لإعادة التنافسية لسوق الدواجن.
المصادر كملت كلامها وقالت أن الأزمة دي وراها 6 شركات، بتستهدف خفض عدد كتاكيت إنتاج الأمهات اللي بيتم ضخها في السوق وكل انتاج الأمهات بيكون لنفسها بس علشان يرفعوا سعر الكتكوت لمستويات قياسية ويحققوا أكبر قدر من الأرباح، وطبعا الارتفاع ده هيكون له انعكاس مباشر علي اسعار الفراخ في الاسواق واللي بتوصل للمستهلك، وفي الفترة اللي جاية هنرجع نشوف اسعار الفراخ هتعدي ارقام كبيرة واحتمال سعر الكيلو يوصل لأكتر من 150 جنية، خصوصا أن سعر الكتكتوت حاليا بيعدي 40 جنيه من مكانه قبل ما ياخذ دورته ويوصل للمربي الرئيسي ويبدأ دورته في التسمين واللي بيكون قائم بشكل كلي علي الاعلاف علشان يكون جاهز للذبح .
أزمة سوق الدواجن بتكشف الحاجة كمان للرقابة على الشركات والتجار اللي بيستغلوا اي وضع دلوقتي عشان يرفعوا الأسعار ومكاسبهم تزيد ودا حصل في اكتر من سوق في الشهور اللي عدت.
