صرح مصدر أمني بوزارة الداخلية، بأن الأجهزة الأمنية تفحص الأخبار المتداولة على مواقع التواصل الاجتماعي بشأن محاولة قيام سائق اندريفر بخطف فتاة داخل سيارة.
وأضاف المصدر، في تصريح خاص لـ موقع "الحادثة"، بأن الأجهزة الأمنية تقوم بعمل التحريات اللازمة لكشف ملابسات الواقعة، وفي حال التأكد من صحة الواقعة سيتم القبض على السائق في الحال.
الداخلية تفحص محاولة خطف فتاة على يد سائق اندريفر
ومن جانبه قالت حبيبة محمد في منشور لها على الفيسبوك “ أنا مصدقتش إني ممكن أتحط في الموقف دا في يوم من الأيام بس إمبارح وأنا راجعة من الشغل طلبت إندرايف ومن ساعة ما طلبت وهو كان غريب وقالي ربع ساعة وهجيلك وهوا كان على gps قريب جدا”.
"ومن ساعة ماركبت وهوا مش مظبوط وعمال يعمل حاجات غريبة وكان بيكلم ناس غريبة ومتابع مع واحد في الموبايل يقوله أنا دخلت كذا قابلني في الحتة دي، ومتأكدة إنه كان شارب حاجة وكان مش مظبوط.. قفل كل الشبابيك أول مطلعنا في طريق الصحراوي وفضل مطلع راسه من الشباك اللي جنبه الوحيد اللي سايبه مفتوح، وأنا متأكدة إنه رش حاجة في العربية عشان كان فيه ريحة غريبة جدا، وأنا كنت ابتديت أدوخ ووشي كله نمل ومكنتش شايفة كويس واتصرفت بسرعة وفتحت الباب، وهوا ماشي وقعدت أزعق وقولتله ينزلني وإني عاملة شير لوكيشن لبابايا، ونزلت جريت على الطريق وهوا اتوتر ومشي".
وأوضحت الفتاة في منشورها: "هو اسمه اللي على الأبليكيشن غير اسمه اللي علي get contact وحذرت الفتاة متابعيها من الركوب رفقة ذلك السائق حفاظا على سلامتهم قائلة خلوا بالكو محدش يركب معاه، وهوا طلع مبدأش الرحلة أصلا أنا نفسي أفضحه عشان حرام بنت تتحط في نفس الموقف المرعب دا".
