تحدثت الراقصة دينا عن رأيها في الرقص وأهميته، ناصحة الجمهور بعدم التنازل عنه لأنه رمز كل بلد، وذلك خلال برنامجها الذي تقدمه على حسابها الرسمي بموقع انستجرام ويأتي بعنوان اسمع مع دينا.
الراقصة دينا: الرقص علامة كل بلد
وقالت الراقصة دينا في تصريحات رصدها موقع تحيا مصر، ردا على واصفين الراقص بأنه ليس فنا: الرقصة علامة كل بلد يعني تقول تقول سامبا تلاقي البرازيل، تقول باليه يعني روسيا أما تقول رقص شرقي يعني مصر، وهكذا فأنا بقول لأي حد اوعوا تتنازلوا عن فنكم، الرقص الفن الحقيقي بتاع البلد وهو فن جميل كل العالم بيحترموه.
وأكدت الراقصة دينا في تصريحاتها: بيقولوا الرقص مش فن ومش عارفة هو ليه الحاجة والصناعة المصرية وحشة وأول ما بتيجي من برة بنقول عليها واو.
الراقصة دينا: بسأل نفسي دايما اللي مبيرقصوطش بيطلع زعله ازاي
وأشارت دينا في تصريحاتها: أنا واحدة جاية من فرقة رضا عارفة يعني رقص وحباه، وعشت طول عمري بسأل هما اللي مبيرقصوش دول بيطلعوا الكبت اللي جواهم ازاي.
وسبق وتحدثت دينا في تصريحات تليفزيونية سابقة عن الراقصات الأجانب، فقالت عن جوهرة: هي بنت جميلة جدا وشكلها حلو أوي لكن متنفعش رقاصة هي مبتعرفش ترقص خالص ولا تعرف حاجة عن الرقص حتى هي قدمت في برنامج الراقصة وأنا رفضتها هي حلوة بس مش رقاصة.
دينا تكشف رأيها في الراقصات الأجانب
وأضافت دينا: لو هتكلم عن افضل الراقصات الأجانب فأنا أكيد هختار الناس اللي انا جبتهم ودربتهم على أيدي تلامذتي زي أوكسانا دي من أفضل الراقصات حاليا وأنا اللي مدرباه من وقت ما كانت في روسيا وجبتها معايا مصر هنا، أما بدرة عندها قبول وجميلة وروحها حلوة وبتخطف الجمهور لكن هي أقل الرقصات الشرقية في الراقصات الأجانب.
وجدير بالذكر، أن آخر أعمال دينا السينمائية هو فيلم الملكة والذي تدور قصته في إطار من الكوميديا حول سيدة أعمال والتي تجسد شخصيتها هالة صدقي وتقع في الكثير من المواقف الطريفة خلال الأحداث وتحاول تخطيها، ولم يحقق العمل نجاحات كبيرة في السينمات رغم مشاركة نخبة من نجوم الفن به.
