يا ترى ايه اللى بيحصل فى بنوك مصر فى الأيام الأخيرة ؟وايه التحركات المفاجئة والقرارات الحاسمة اللي صدرت؟ وهل اللى بيحصل ده معناه ان أزمة نقص العملة خلاص انتهت؟
فيه تحركات مهمة جدا وقرارات جريئة صدرت من أكبر بنكين فى مصربتقول ان أزمة شح العملة خلاص على وشك الانتهاء وان البنوك حاليا عندها رصيد كافى من النقد الأجنبي لتغطي طلبات الشركات والمصدرين وقادرة تضخ الكميات المطلوبة من العملة الأمريكية لأي حد محتاجها.. فيا ترى ايه القرارات الجديدة وايه تأثيرها على سوق الصرف؟
بص يا سيدي.. البنك الأهلي أعلن في الـ 24 ساعة اللى فاتت زيادة حدود الصرف على بطاقات الائتمان الخاصة بيه بالعملة الأجنبية خارج مصر.. وحاليا اى عميل معاه البطاقات دي ومسافر بره مصر هيقدر يسحب فلوس لأعلى شريحة بمبلغ 300 ألف جنيه.. مش بس كده البنك الأهلي قرركمان زيادة حدود الصرف على البطاقات الائتمانية بالعملة الأجنبية بدون سفر لتصل أعلى شريحة الى 100 ألف جنيه.. وفى نفس الوقت زيادة قيمة المبالغ المتاح بيعه نقداً لعملائه المسافرين لتصل إلى 5 آلاف دولاروفقا لشرائح العملاء.
بنك مصر هو كمان عمل نفس الاجراءات والقرارات تقريبا ورفع حدود استخدام البطاقات الائتمانية بالعملة الأجنبية للإنفاق خارج مصر ليصل حد الشراء الشهري إلى 300 ألف جنيه لأعلى فئة من البطاقات الائتمانية مع إتاحة استبدال عملة أجنبية حتى 5 آلاف دولار لعملائه في حالة سفرهم للخارج.
طب القرارات دي معناها ايه ؟وإيه علاقتها بسوق صرف الدولار؟
القرارات دي بتؤكد حاجة واحدة بس وهى نجاح صناع السياسة النقدية في البنك المركزي فى السيطرة على أزمة نقص العملة الأجنبية واستعادة الثقة مرة تانية في الجهاز المصرفي بعد قرار تحرير سعر الصرف في 6 مارس اللى فات من خلال قرارات تاريخية تضمنت تطبيق سعر صرفمرن ورفع اسعار الفايدة 600 نقطة مرة واحدة وكل التحركات دي أدت الى تزايد تدفقات العملة الأجنبية بشكل ساهم فى القضاء على عجز الأصول الأجنبية للقطاع المصرفي تحولها إلى فائض لأول مرة من 28 شهر في مايو اللى فات واستمرت على تسجيل فائض بالعملة الأجنبية قُدر بحوالي 13,261 مليار دولار في يوليو 2024 مقارنة بعجز يصل إلى 28 مليار دولار في يناير 2024.
يعنى من الآخر كده البنوك حاليا بقت بتملك احتياطي من النقد الأجنبي يخليها قادرة على تلبيةطلبات العملاء ومن هنا قررت تخفيف قيودسحب العملة الأجنبية سواء داخل مصر أو خارجها
وخد بالك مش بس صافى الاصول الأجنبية هو اللى حصل فيه نمو تحويلات المصريين العاملين بالخارج لعبت دور مهم جدا فى الانفراجة الكبيرة اللى حصلت فى أزمة العملة الأجنبية وفى آخر تقرير للبنك المركزي أعلن ارتفاع حجم التحويلات خلال شهر يوليو 2024 للشهر الخامس على التوالي بمعدل 86.8% وسجلت التحويلات حوالى 3 مليار دولار، مقابل نحو 1,6 مليار دولار خلال شهر يوليو 2023
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
