يا ترى ايه اللي بيحصل فى سوق صرف العملات الأجنبية فى مصر؟ وإزاى البنك المركزي قدر يسيطر على الأوضاع ويحكم قبضته على سوق الصرف؟ وتجار العملة والمضاربين على الدولار اختفوا فين؟
خلاص لعبة الدولارفى مصر انتهت تماما والفئران دخلت جحورها.. وانتهى زمن المضاربة على العملة ومفيش تاني تعدد لسعر الدولارفى السوق.. ومحدشهيقدريبيع دولار خارج القطاع المصرفي.. واللى هيتورط فيبيع عملات أجنبية هيعرض لنفسه لعقوبات ضخمة بتوصل للسجن أكتر من 10 سنين وغرامات بملايين الجنيهات؟
طب إزاي البنك المركزي أحكم قبضته على سوق الدولار؟
صناع السياسة النقدية فى البنك المركزي بقيادة المصرفي المخضرم حسن عبدالله من أول يومليهم فى البنك المركزيوكان عندهممهمة محددة وهى انهاء أزمة شح العملة والقضاء على السوق السودا للدولار والتخلص من المضاربين على العملة.. ورغم انهم استلموا المهمة فى توقبت صعب وظروف مش طبيعية بيمربيها العالم كله الا انهم قدروا خلال فترة صغيرة انهم يوجه ضربات قوية جدا لخفافيش الدولار ونجحوا انهم يرسمواسياسات ويقدموا حوافز أعادت الثقة فى الجهاز المصرفيوخلت الناس ترجع تتنازل عن الدولارفى البنوك
وأهم حاجة عملها البنك المركزي كانت تحريرسعر صرف الجنية أمام باقى العملات الجنبية وفقا لاحتياجات السوق وترك تحديد قيمة العملة لقوانين العرض والطلب وديكانت أكبر ضربة للسوق الموازية ووقتها فى بداية شهر مارس اللى فات الدولاركان وصل لمستويات فوق الـ 70 جنية وكل الناسكانت بتقول هيوصل ل 100 جنيه لكن مع تدخل المركزي حصل انهيار لسعر العملة الأمريكية واستقر سعر الصرف حاليا عند مستوى قريب من 49 جنيه
طب اللى عملواالمركزيكان ايه تأثيراته على مصادر النقد الأجنبي؟
بص يا سيدي بعد قرار تحرير سعر الصرف عادت الثقة من جديد فى القطاع المصرفي والبنوك بدأت تستقبل دولارات بالكوم وقدرت توفر للشركات والمستوردين طلباتهم واحتياجاتهم وكمان تم تخفيف بعض القيود على حدود سحب الدولار.. ورجعت تحويلات المصريين فى الخارج تسجل أرقام قياسية
وطبقا لبيانات البنك المركزي الخيرة فيه ارتفاع كبير حصل في تحويلات المصريين العاملين بالخارج وخلال شهر يوليو اللى فات بس التحويلات زادت بمعدل 86.8% لتسجل 3.0 مليار دولارمقابل نحو 1.6 مليار دولار خلال شهر يوليو 2023 في سابقة لم يشهدها شهر يوليو من قبل منذ بداية رصد بيان تدفقات تحويلات العاملين بالخارج.. وخد بالك الزيادة دي للشهر الخامس على التوالي
نيجي لسؤال مهم.. هما تُجار العملة اختفوا فين ؟
عشان نجاوب على السؤال ده لازم فى الأول تعرف هو امتى تُجار العملة بيظهروا وامتى تواجدهم فى سوق الصرف بيزيد .. بص يا سيدي فى أى بلد فى العالم السوق السوداللصرفبتظهر لما بيكون فيه نقص فى العملة الأجنبية وخفافيش الظلام بيستغلوا الوضع ده وبيدخلوا يضاربوا على الدولارلكن مع توافرتدفقات نقد أجنبية واستقرار الأوضاع فى السوق المُضاربين دول بيدخلوا الجحور وبيختفوا .. وفى مصرده حصل بشكل واضح بعدقرارات 6 مارس التاريخية وتزامن مع تحركات المركزي كمان ضربات أمنية قوية للأجهزة الأمنية والرقابية وتم القبض على عددكبيرمن تجار العملة وديكانت رسالة ان اللى هيقع محدشهيسمي عليه
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
