يا ترى ايه سر تحركات مصر الخارجية فى الفترة الأخيرة؟ وليه السيسي وكل رجال الدولة بيتحركوا بقوة فى الملفات الاقتصادية الصعبة؟ وايه كواليس تحركات محافظ البنك المركزي الأيام اللى فاتت؟
الفترة الللى فاتت شهدت تحركات مهمة جدا للرئيس السيسي فى عدد من الملفات الصعبة في محاولة للحصول الى حل جذري لكتيرمن المشاكل اللى بتمر بيها مصر فى آخر 3 سنين وتحديدا من بعد الغزو الروسي الاوكرانيى وتداعياته على اسعار السلع الأساسية والأسواق.
والرئيس السيسي مهتم جدا وبيشرف بنفسه على كل التحركات اللى بتحصل تحديدا فى الملف الاقتصادي اللى بيعتمد فيه على عدد من الوزراء والمسئولين على راسهم طبعا المصرفي الكبير حسن عبدالله محافظ البنك المركزي بالاضافة الى وزراء المجموعة الاقتصادية باشراف كامل من رئيس الوزراء الدكتور مصطفى مدبولي
طب ايه التحركات اللى حصلت فى الفترة الأخيرة ؟
الحقيقية فيه اكتر من تحرك مهم حصل الفترة اللى فاتت فى اكتر من ملف كان اهمهم طبعا الزيارة التاريخية للرئيس السيسي لدولة تركيا ودي أول زيارة يقوم بيها السيسي لتركيا بعد توليه حكم مصر.. وكلنا عارفين ان كان فيه خلافات سياسيةمعلنة بين القاهرة وأنقرة لكن بحكمة وحنكة من السيسي تم تقريب وجهات النظرورجعت المياه لمجاريها فى العلاقات السياسية والاقتصادية بين مصر وتركيا اللى بيعتبروا من أكبر الدول المهمة والفاعلة فى ملفات الشرق الأوسط
وزيارة السيسي لتركيا مكنتش مهمة على المستوى السياسي والتنسيق فى ملفات كبيرة ولكنها كانت مهمة بشكل اكبر على المستوى الاقتصادي ..وعلى هامش الزيارة تم توقيع أكتر 20 اتفاقية تعاون فى مجالات استثمارية مهمة وخلال ايام هتضخ تركيا استثمارات ضخمة بمليارات الدولارات فى مصر وتحديدا فى قطاع مهم زي قطاع المنسوجات وصناعة الملابس .. والمفاجأة السعيدة انه تم توقيع عقود تدشين منطقة صناعية تركية في منطقة السادس من أكتوبر على مساحة 2.6 مليون متر مربع لصالح بولاريس الدولية للمناطق الصناعية.
وكمان تم توقيع مذكرة تفاهم مع شركة بولاريس لتطوير مشروع منطقة صناعية بالعاصمة الإدارية وكل ده حصل في حضور الرئيس السيسي الرئيس التركي رجب طيب أردوغان.
وخلال المباحثات بين السيسي وأردوغان تم الاتفاق على زيادة حجم التجارة بين البلدين إلى 15 مليار دولار من خلال تعزيز العلاقات الاقتصادية والتجارية بين الطرفين واستثمار الإمكانيات المتاحة لتعظيم الشراكة فى مختلف المجالات الاقتصادية.
وبعيد عن زيارة فخامة الرئيس لتركيا كان فيه كمان زيارة وتحرك مهم لرئيس الحكومة الدكتورمصطفى مدبولي الى الصين للمشاركة نيابة عن الرئيس السيسي في فعاليات منتدى التعاون الصيني- الأفريقي اللي استضافته الصين خلال الفترة من 4 إلى 6 سبتمبر .
واستغل رئيس الحكومة الزيارة دي وعقد اجتماعات مكثفةمع مجتمع المال والاعمال فى الصين لجذب استثمارات أجنبية مباشرة بمليارات الدولارات وتم الاتفاق على مشروعات كتيرة سواء فى المنطقة الاقتصادية لقناة السويساو حتى فى مناطق تانية .. وعلى هامش المنتدى ده أعلنت الصين عن ضخ 50 مليار دولارفى دول قراة افريقيا خلال ال 3 سنين الجاية ومصر بتحاول تحصل على جزء كبيرمن المبلغ ده فى صورة استثمارات مباشرة فى ظلرغية الصين زيادة وجودها فى مصر
وكمان على مستوى التحركات فى الملفات الاقتصادية المهمة كان فيه من كام يوم لقاء مهم بين محافظ البنك المركزيحسن عبدالله ووزير المالية القطري علي بن أحمد الكواري فى اطار سعى القاهرة والدوحة لتعزيز العلاقات الاقتصادية وزيادة الاستثمارات القطرية فى مصر.
وفي اللقاء اتكلم المحافظ والوزير القطري عن أهمية التعاون المشترك وتبادل الخبرات وزيارة التواجد القطريفى مصرخصوصا وان السوق المصرية واعدة ومليانة بالفرص الاستثمارية مع الجهود اللى بتبذلها الدولة لتحسين مناخ الاستثمار وتحقيق الاقتصاد العديد من المؤشرات الإيجابية منها ارتفاع صافي الاحتياطيات الدولية إلى مستويات تاريخية بجانب التطورات الكبيرة اللي شهدتها مصر مؤخرا فيما يتعلق بالمشروعات اللي تبنتها الدولة في مجالات الطاقة النظيفة والتقليدية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
