أعلن مطرب المهرجان الشعبية كزبرة عن استعداده لطرح ألبوم جديد بعنوان الفرح، وذلك بداية من يوم 9 من شهر سبتمبر الجاري وذلك في منشور عبر حسابه الرسمي بموقع تبادل الصور والفيديوهات انستجرام، مشيرا إلى أنه لم يكن يرد طرح اغاني جديدة ولكن قرر أن يدخل السرور في قلوب الجمهور.
كزبرة يعلن طرح ألبوم جديد بعنوان الفرح
وكتب كزبرة في منشور رصده موقع تحيا مصر: أنا كنت مش عايز أنزل أغاني تاني، لكني لقيت آخر فترة أغلبية الأغاني اللي بتنزل ملهاش علاقة بالأفراح وبدائنا ننسى أن ده كان هدافنا من الأغاني، وفجاءة كلها بقت تغني أغاني خطر وبقينا نصعب المواضيع، فقررت أعمل البوم الهدف منه كله الرقص والبهجة والبساطة والسعادة.
ومن المقرر أن يشارك كزبرة في أغنية من ألبوم فرح مع الفنانة نورين أبو سعدة، وتأتي بعنوان رزمة حيث أعلنت عنها الأخيرة عبر حسابها الرسمي بموقع تبادل الصور والفيديوهات انستجرام.
كزبرة ونتيجة الثانوية العامة
وكان قد سبق وتحدث كزبرة عن ذكرياته مع الثانوية العامة، فقال: يوم النتيجة بيفكرني بأصعب أيام حياتي زي النهاردة أنا كنت جايب 67% في الثانوية عامة وساعتها المجموع ده مكنش أحسن حاجة وقولت الحمد لله وساعتها قولت أنا هفضل مركز في الحاجة اللي بحبها ومحدش كان مصدقني وأقرب الناس ليا ودعيت ربنا إنه يكرمني وميأستش والحمد لله وصلت لأول سلمة من حلمي السنة دي بعد ما اتمرمط سنين وانتقادات توصل الواحد إنه ينتحر، فأنا حابب أقولكم إن الدنيا حلوة وربنا أكيد ليه حكمة في اللي بتحصل وبيدي كل واحد على قد تعبه فمحدش ييأس والدنيا موقفتش وتقدر تثبت لنفسك ولكل اللي حواليك إنك تقدر تنجح وربنا يكرم الجميع، وبالنسبة للناس اللي نجحت وجابت مجموع اللي نفسها فيه مبروك وربنا يكتب للجميع الخير والنجاح الدايم.
كزبرة في عالم التمثيل
وكان قد تألق كزبرة في عالم التمثيل من خلال مشاركته في فيلم الحريفة وذلك لأول مرة في تاريخه وحقق من خلاله نجاحات ساحقة وتصدر التريند بعد ظهوره في فيديوهات ترويجية للعمل، بل أشاد عدد كبير من النقاد لمطرب المهرجانات الشهير، ويحضر كزبرة في الفترة الحالية للموسم الثاني من العمل حيث أعلن نور النبوي عن بدأ تصويره منذ أيام في منشور عبر حسابه الرسمي بموقع تبادل الصور والفيديوهات انستجرام.
