برامج الحماية الإجتماعية واحدة من أهم الخدمات اللي بتقدمها الحكومة للفئات محدودة ومتوسطة الدخل.. في بشاير حلوة للناس البسيطة في المجتمع اللي بتصرف وبتستفاد من برامج الحماية الإجتماعية.. يا تري اية هيا الاخبار الحلوة دي وامتي بداية تطبيقها
بالرغم من كل الظروف اللي بتمر بيها الدولة المصرية وخصوصا في المنطقة الاقتصادية، وانخفاض معدل الايرادات اللي بتدخل للدولة من العملات الأجنبية اللي بتدخل خزينة الدولة المصرية، بسبب الاحداث الجيوسياسية والحروب اللي بتحيط بمطنقة الشرق الأوسط بشكل كامل وطبعا لها تاثير علي حركة التجارة والسياحية والاستثمار في منطقة الشرق الأوسط واول الدول اللي اتاثرت بالمشاكل دي هيا مصر .
وعلي الرغم من كل الظروف والحاجات اللي بنحكي لحضراتكم عليها دي، الا أن الدولة المصرية في كل مرة بتأكد أنها في صف المواطن البسيط ومش ناسية الفئات محدودة ومتوسطة الدخل، وعلي طول شايفة انهم محتاجين اللي يقف جنبهم من خلال دعمهم ماليا واجتماعيا وعلشان كده الدولة عملت اكثر من حاجة لدعم الفئات محدودة ومتوسطة الدخل زي برنامج تكافل وكرامة ودعم العمالة غير المنتظمة وغيرها من البرامج اللي عملتها الدولة لدعم الفئات الأولي بالرعايا.
طيب اية الخبر الحلو اللي الحكومة أخذته لدعم الفئات محدودة ومتوسطة الدخل؟.
الرئيس عبد الفتاح السيسي وجه الحكومة بضم ٨,٥ مليون منتفع من تكافل وكرامة والعمالة غير المنتظمة في قطاعي التشييد والبناء إلى مظلة التأمين الصحي، ود بتكلفة ١٠ مليار جنيه سنوياً ودراسة إمكانية ضم المزيد من الفئات التانية من العمالة غير المنتظمة في المرحلة اللي جاية .
الحكومة أكدت أن ضم منتفعي تكافل وكرامة والعمالة غير المنتظمة لمظلة التأمين الصحي بياكد تحقيق حلم كل المصريين في توفير خدمات صحية متميزة لجميع أفراد المجتمع بدون استثناء، وبيهدف لتوفير الرعاية الصحية لكل أفراد المجتمع وتحسين جودة الرعاية الصحية، وتعزيز العدالة الاجتماعية وضمان حصول جميع أفراد المجتمع على فرص متساوية للحصول على الرعاية الصحية، وكمان التأمين الصحي الشامل هيمنح الأفراد شعور بالأمان من خلال ضمان حصولهم على الرعاية الصحية اللازمة في حال تعرضهم لأي مرض أو إصابة.
الحكومة قالت كمان أن القرار جه في وقت مهم جدًا خصوصا أن الفئات اللي بشملها القرار هيا الاكثر احتياجًا لمزيد من الرعاية الاجتماعية والصحية ودخولهم بتكون قليلة قوي واغلبهم معندهمش دخل ثابت وبيشتغلوا ايام ويقعدوا من غير شغل أيام تانية كتيرة وقرار ضمهم لمنظومة التأمين الصحي هيوفر لهم رعاية صحية جيدة تتماشى مع بناء الإنسان المصري في ظل تأسيس الجمهورية الجديدة، والقرار جاي في اطار الخدمات اللي بتقدما الدولة المصرية وبتأكد شعورها بمعاناة الشعب المصري وأنهم عارفين كل احتياجاتهم خصوصا الفئات اللي تستحق الدعم والرعاية، وده اللي أكدت عليه القيادة السياسية اكثر من مرة من خلال التوسع في تنفيذ حزم الحماية الاجتماعية اللي متتحقش علي مدار تاريخ مصر في السنين اللي فاتت كلها .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
