احنا خلاص علي موعد مع بدء سنة دراسية جديدة كل عام وحضراتكم بخير ، وطبعا كلنا ندخل ولادنا أحسن مدارس وجامعات.. يا تري اية هيا البنوك اللي بتدي قروض لشراء المصروفات الدراسية والفايدة علي القروض دي بتوصل لكام
التعليم والدراسة في الوقت الحالي بقي محتاج مصاريف ومصاريف ثقيلة جدا كمان، خصوصا مع اختلاف انظمة التعليم حاليا وظهر المدراس اللغات والتجريبية وغيرها بالأضافة الي الجهات الخاصة والاهلية، وباقي المدارس والجامعات اللي بتأهيل الطلاب لنموذج ومستوي معين صعب علي المدارس الحكومية انها توصل الطالب للمستوي اللي هيوصل له في المدراس والجامعات الخاصة والتجريبية واللغات.
وزي ما أحنا عارفين أن التعليم واحدة من اهم الحاجات اللي كل الأسر المصرية بتحرص علي اختيارها من البداية، لأن الطالب لما بيكون متأسس كويس بتفرق معاه في كل خطوات حياته اللي جاية، وبيكون طالب مختلف وفاهم عن باقي جيله في المدارس وده بيخليه متفوق وفاهم وبالتالي هيكون التقدير بتاعه مختلف ومتميز.
وعلشان كده وفي ظل الظروف الاقتصادية اللي كلنا او اغلبنا بيمر بيها، في فئة كبيرة من الناس بتدور علي مكان يدهم قرض او فلوس بالسلف، علشان يعمل ويحقق فيهم حلمه اللي بيحلمه من سنين.
طيب هل في بنوك بتدي قروض للناس لتعليم الأبناء والفايدة علي القروض دي بتوصل لكام؟.
في 6 بنوك اعلنوات عن إتاحة سداد المصروفات الدراسية سواء مدارس أو جامعات بدون اي فايدة وبشروط ميسرة باستخدام بطاقات الائتمان كريدت كارد للتسهيل على الأباء على سداد مصروفات أبنائهم بعد ارتفاع أسعارها.
البداية معانا من البنوك اللي اعلنت عن إتاحة سداد المصروفات الدراسية من بنك القاهرة، واللي حدد التمويل بما لا يقل عن 10 آلاف جنيه ولا يزيد عن الحد الأقصى للبطاقة الائتمانية، وبفترة سماح بتوصل لسنة ونصف، وحدد مده نهاية العرض بنهاية شهر سبتمبر الحالي، وبمصروفات إدارية بتتراوح بين 5% إلى 19% من إجمالي قيمة المشتروات وفق فترة سداد التمويل.
ومن بنك القاهرة بنروح للبنك العربي الأفريقي الدولي، واللي حدد تمويل سداد المصروفات الدراسية بما لا يقل عن ألف جنيه وبيوصل لحد الحد الأقصى للبطاقة الإئتمانية، وبفترة تقسيط بتوصل لحد 12 شهر وبدون اي مصروفات إدارية، وحدد فترة انتهاء العرض بنهاية شهر سبتمبر الحالي .
ولسه مكلمين معاكم جولتنا وبنروح لبنك CIBواللي حدد حد التمويل سداد المصروفات الدراسية بما لا يقل عن 500 جنيه وبتوصل لحد الحد الأقصى للبطاقة الإئتمانية للعميل، وبتوصل فترة التمويل لـ 6 أشهر، والمصاريف الإدارية بيتم تحديدها مع مسؤول خدمة العملاء وقت الاتصال لتفعيل العرض، وحدد انتهاء العرض يوم 15 من شهر أكتوبر اللي جاي.
ولسه مكلمين معاكم وبنروح للبنك الأهلي الكويتي واللي حدد تمويل سداد المصروفات الدراسية بما لا يقل عن 10 آلاف جنيه وبتوصصل للحد الأقصى للبطاقة الإئتمانية، وبتوصل فترة التمويل لـ 6 شهور، والمصروفات الإدارية بيتم تحديدها مع موظف خدمة العملاء وقت الاتصال لتفعيل العرض وحدد وقت انتهاء العرضم مع نهاية شهر سبتمبر الحالي.
ومن البنك الأهلي الكويتي بنروح لبنك الإمارات دبي الوطني واللي حدد حد التمويل سداد المصروفات الدراسية واللي بتوصل للحد الأقصى للبطاقة، ومدة التمويل بتتراوح ما بين من 6 إلي 18 شهر، والمصاريف الإدارية بتوصل لـ 5% على فترة التقسيط 6 شهور و10% على فترة التقسيط سنة و15% على فترة التقسيط 18 شهر، ومدة العرض بنتهي مع نهاية شهر سبتمبر الحالي .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
