تكلم طه إسماعيل، نجم الأهلي السابق، عن أبرز عيوب مارسيل كولر، المدير الفني للأهلي.
وقال طه إسماعيل في تصريحات تليفزيونية عبر قناة (oN Time sports)
النادي الأهي يختلف عن الأندية كلها، يعني سلم المدرب مفتاح النادي، بمعني كل صغيرة وكبيرة بالنسبة للكورة هو المسؤول عنها.
وأضاف: ده في عرف كرة القدم إذا كان ليه ميزة فله عيوب، بتديله كل اللي عايزه عشان تحاسبه، والمفروض اللي مش عايزه دي شغلة النادي، مينفعش أشيل حد من القائمة وأنا مدرب، لأني ممكن أمشي بعد بكرة، واللاعب يكون مفيد مستقبلآ للنادي
وأكمل: المدرب أحيانًا له لحظات ممكن اللحظات دي قفلت على لاعب، مع إن بعد شوية يصبر عليه، مثلًا أفشة أنا مش بقول لازم يلعب أساسي لكن أحيانًا بينزله بعد الدقيقة 75 ومع هذا أفشة ربنا بيكرمه ويجيب أجوال حاسمة.
لدرجة إنه أخيرًا اعترف إن أفشة عنده ميزة يسجل اجوال في الأوقات الحاسمة والمباريات الحاسمة.
لكن مفيش شك إنه نظم الفريق بشكل كويس.
