رسالة مثيرة من أحمد عبد القادر: «متخليش حد يتحكم في مستقبلك»

نشر أحمد عبدالقادر، لاعب الفريق الأول لكرة القدم بالنادي الأهلي، المعار إلى صفوف نادي قطر القطري، رسالة مثيرة، عبر حسابه الشخصي على منصة التواصل الاجتماعي «إنستجرام».

وجاءت رسالة أحمد عبد القادر، بعد خروجه معارا خارج الأهلي، إلى قطر القطري، لعدم حصوله على فرصة المشاركة أساسيا مع الفريق، تحت قيادة السويسري مارسيل كولر.

تفاصيل رسالة أحمد عبد القادر لاعب قطر القطري

وكتب أحمد عبدالقادر: «متخليش حد يخليك تفقد الثقة في نفسك، خليك دايما واثق في نفسك، حتى لو مبقاش ليك دور، خليك أنت اللي بتصنع الدور لنفسك مش مستني فرصة أو شخص يتحكم فيها وفي مستقبلك، ويحطم نفسيتك، ويقول فيك اللي عمره ما كان فيك».

وأضاف اللاعب: «التعب والثقة بالنفس عمرها ما كانت عيب ولا غرور، الثقة بالنفس للي واثق من نفسه ومن قدارته، مش لحد تاني، اتعب عافر اجتهد، والباقي بتاع ربنا والله.. صباحكو جميل».

عبدالقادر يرحل عن الأهلي ويجدد لمدة موسم

ورحل أحمد عبد القادر عن صفوف الأهلي إلى قطر القطري، لمدة موسم على سبيل الإعارة، وجدد اللاعب عقده لمدة موسم، قبل خروجه للإعارة، ورفض التمديد لمدة 4 سنوات مقبلة.