أول تعليق من صاحبة تريند "دودو يا قمر".. وإعلامية تحرجها على الهواء

علقت شريفة داود، صاحبة تريند دودو يا قمر، على مقطع الفيديو الذي انتشر لها وهي تغني لابنها وأثار حالة من الجدل عبر مواقع التواصل الاجتماعي.

خريجة أزهر 

وقالت "شريفة داود" في اتصال هاتفي ببرنامج "خلاصة الكلام" المذاع على فضائية "النهار" مساء اليوم الخميس، "أنا كنت فاشون ديزاين وكنت شغالة كويس، أنا في كلية تجارة جامعة الأزهر".

وأضافت "كنت بشتغل بإيدي ودلوقتي لا، وأنا في الأول عملت سيشن مع حماتي وكنت بقول أن علاقتي كويسة معها ومفيش مشاكل بينا بس مكنتش بعمل فيديوهات معاها".

مفيش لفظ خارج 

وتابعت "أنا كنت طالعة بهزر مع ابني ومش شايفة أن فيه لفظ خارج في الفيديو"، لتعلق الإعلامية أميرة بدر، "هو حضرتك خريجة أزهر".

لترد صاحبة التريند "أيوة أنا خريجة أزهر وحافظة القرآن ومحفظة ولادي القرآن، أنا مكنتش عارفة أن الفيديو هينتشر هذا الانتشار وأنه هيتردد لإني بعمل فيديوهات ومكنتش حاطة ده في حسباني خالص".

كنت بهزر 

وأردفت "أنا محدش هيخاف على ابني أكتر مني ولا يخاف عليهم أكثر مني أنا ابني أقدر أخليه واثق من نفسه"، لتعقب الإعلامية "أنتي مستهترة جدًا بالوضع اللي انتي فيه فيه ناس بتقدم محتوى كويس".

لترد صاحبة التريند "أنا كنت بهزر عادي والناس هما اللي خلوه زيادة"، لتقاطعها الإعلامية "أنتي هزرتي معاه أمام الجميع"، فتعود وترد "أوك أنا حرة".