ليس لدينا مانخفيه.. وتلك الأسباب أدت إلى هذه النتائج... هكذا تعاملت أجهزة الدولة مع أزمة الحالات المرضية التي ظهرت على مواطنين في محافظة أسوان.. ككل الدول المحترمة تعاملت الدولة المصرية بسرعة وحرفية مع الظاهرة المرضية وأرسلت فرقا طبية وعلماء وخبراء في الطب الوقائي والإشعاعي لإعادة فحص المرضي وإجراء كافة الفحوصات الطبية والتحاليل وكذا تحليل عينات مياه قبل وبعد التحلية وفحص التربة والنباتات والأطعمة في الأسواق وتتبع بداية ظهور المرض.
في النهاية توفرت لدى الأجهزة المختصة كافة المعلومات المطلوبة وكانت الخطوة القادمة مصارحة الناس بكل التفاصيل وطرح الحقيقة كاملة أمامهم وهو ماحدث في إدارة الأزمة الأخيرة بأسوان والتي كشفت عن أسلوب جديد في إدارة الأزمات محوره الوصول للحقيقة وعدم حجب المعلومات أيا كانت عن المواطن صاحب الحق الأساسي في معرفة مايجري وهو أسلوب الدول المتحضرة في التعامل مع الأحداث.
على مدار أيام الأزمة كانت كل الأجهزة المختصة تباشر أعمالها للوصول للحقيقة في وقت قياسي بينما تتابع القيادة السياسية ما يحدث على مدار الساعة وكانت التقارير تصل على رأس الساعة لرئاسة الجمهورية مجردة بدون رتوش.
سرعة تحرك الدولة هذه المرة قطعت الطريق عن تجار الشائعات ومنصات التخويف والتسخين وجروبات نشر الرعب واختلاق الفوضى.
الدولة معندهاش حاجة تخبيها
خلاص زمن انكار الأزمات انتهى بغير رجعة والحكومة حاليا وكل أجهزة الدولة لو فيه مشكلة بيعلنوا عنها ويتعاملوا معاها ويحاولوا يشوفولها حلول .. حصل ده فى أكترمن ملف زيكورونا وجدري القرود وحوادث القطارات وحتى فى قضايا فساد متعلقة بمسئولين تم القبض عليهم وتحويلهم للمحاكمة.. لكن للأسف فيه أطراف كتيروجهات بتحاول تصطاد فى الميه العكرةوتنشر اشاعات وتحاول تخوف الناس.. زي ماحصل كده فى موضوع حالات الاعياء فى أسوان والحالات اللى دخلت المستشفيات.. ورغم ان وزير الصحة طلع ونفى الكلام اللى بيقول انتشار كوليرا ومرض معديوغيره الا أن ناس كتير كانت بتشكك.. وعشان كده الدولة بكلاجهزتها اتحركت عشان تطمن الناس وشوفنا محافظ أسوان وهو بيشرب من حنفيات البيوت والمدارس وبيرد بشكل عملى على الناس اللى قالت المياه ملوثة وانه حصل تسريب من مصنع كيماويات.. وشفنا النهاردة كمان وزير الصحة راح بنفسه وعمل مؤتمر صحفى أسوان ورد على كل السئلة اللى بتشغل بال الناس.
مولد أسوان انفض .. العبوا غيرها !!
أسهل طريق للرد على الاشاعات كشف الحقائق واظهار المعلومات، وده بالظبط اللى علمتوا الحكومة فى أزمة أسوان والكلام الكتير اللى طلع عن انتشار مرض غامض فى جنوب مصر.. واللى يقولك كوليرا واللى يقولك لا ده مرض غريب من تلوث مياه النيل .. واللى يقولك يا عم لأ الموضوع خطير والحكومة مكتمة عليه.
وحاولت جماعات ولجان اليكترونية تصوير الأمر وكأن مصر فى أزمة أو عندها حاجة عاوز تخبيها.. وهنا كانت التعليمات واضحة للمسئولين بالتحرك والرد على كل اللى بيتقال وكشف كل الحقائق امام الرأى العام.. وفعلا محافظ اسوان ووزير الصحة وكل أجهزة الدولة اتحركوا وبدأت الناس تتطمن وتحس بالآمان .. وتعرف ان اللى كانوا بيخوفوهم مكنوش بيقول الحقيقة.. وعشان كده فى الساعات الأخيرة ترند أسوان خلص وبدأت الجماعات إياها تدور على حاجة تانية تقدر تشكك فيها وتستخدمها للهجوم على الدولة
