أحمد موسى عن توفير شحنات الغاز: البلد دائما سابقة بخطوتين

أكد الإعلامي أحمد موسى، أن الدولة تعاقدت على 32 شحنة من الغاز المسال من أجل تلبية احتياجات محطات الكهرباء خلال الفترة المقبلة.

وقال موسى خلال برنامج "على مسؤوليتي" المذاع على قناة "صدى البلد": "كنا الأول بنتكلم مع بداية الصيف على 21 شحنة والنهاردة بنتكلم على 32 شحنة غاز، تاني تم التعاقد عليهم، سيادة الرئيس كان عامل الأسبوع اللي فات اجتماع مهم جدا سيادة الرئيس مع وزير البترول ووزير الكهرباء، والرئيس كان بيتكلم في هذا الاجتماع على تدبير احتياجات الناس".

وأضاف: "دبروا الموارد والاحتياجات الخاصة بمحطات الكهرباء ولو إحنا بنتكلم النهاردة على تطورات جديدة تتعلق بالكهرباء في بلد هناك توجه رئاسي وبكررها مرتين أنه التخفيف عن الناس يعني نوفر الموارد المالية ونجيب الشحنات اللي إحنا محتاجينها وبنتكلم عن مازوت أو غاز وندبرها رغم التكلفة الهائلة".

وتابع: "رئيس الوزراء النهاردة في المؤتمر الصحفي قال هتسمعوا أخبار كويسة بس في المؤتمر الصحفي اللي جاي فيما يتعلق بملف الطاقة في الغاز والموارد المالية والتدبير".

وواصل: "المهندس حمدي عبد العزيز قال إن عدد الشحنات 32 بدلا من 21، يبقى هو هنا تحرك الدولة على الأرض حصل وكله عشان المحطات محتاجة".

وذكر: "النهاردة قابلت الدكتور محمود عصمت وزير الكهرباء وكنا بنتكلم على ملف الكهرباء وكل ما تقابل السادة المسؤولين بتبقى فرصة تسأل عن الحاجات اللي تهم الناس، السيد وزير الكهرباء قال معنديش مشكلة إنتاج ووزارة البترول بتوفر احتياجات المحطات وفي ملفات أخرى".

واختتم: "البلد دايما بتبقى سابقة خطوتين لقدام في كل إجراء بيتم بنتكلم النهاردة عن الكهرباء والغاز وبنتكلم على القمح وبنعمل احتياطي قد إيه".