أكد سليم الشيمي جار اللاعب الجابوني آرون بوبيندزا صفقة نادي الزمالك الجديدة على اقتراب من انضمامه لصفوف القلعة البيضاء خلال الساعات المقبلة.
تحيا مصر، وكتب سليم الشيمي عبر حسابه الرسمي"فيسبوك": الحمدلله خلصنا و اطمنا انه طلع علي الطيارة، معني كده إن اللي قولته بالأمس طلع كله صح الوكيل اخفاءه عن الادارة عشان هو اللي يخلص كل حاجه بعيد عن اللاعب و هو يطلع لاعلي فايدة ليه وطبعا للاعب وده حصل و تم الاتفاق علي كل النقاط و تحضير العقود لحد ما يوصل و يعمل الكشف الطبي و يوقع علي العقود وبكده يتسجل رسمي بالاتحاد والزمالك".
وواصل قائلاً:" ارجع بقي و اهمس في أذن الادارة تاني وتالت و عاشر فيه لعيبه كتير حريفه و مواهب كبيره و مبيدكش حاجه فالملعب لعدم الانضباب خارج الملعب رغم مواهبهم الكبيرة والامثلة في مصر كتيره اب. سع او ص .ج او حتي أح.حس، محدش يختلف عليهم كفنيات لكن اعتزلوا بدري لنقص الخبرات الحياتيه والعقلية في وقت توهجهم ".
وواصل قائلاً:" بمعني ميسي او رونالدو او غيرهم من اللاعيبه الكبيرة مش قساوسة كنايس او الائمة مساجد كل واحد بيعيش حياته الخاصة بس عارف يحافظ علي اكل عيشة و حياته العملية و بيعرف يفصل بينهم ".
وأستكمل:" الخلاصة لو متعملش كونترول كويس علي بوبينزا من ساعة وصوله اللاعب مش هيلتزم معاك لا في الملعب ولا غيره ، وفيه ناس سالتني فالكومنتات ايه النصيحة اللي ابو اوبامينج نصحه بيها اقلكم قاله دي اخر فرصه ليك للحفاظ علي الكارير بتاعك و بوابه لرجوعك المنتخب الجابوني فلازم نستغل الفرصة و تنجح مع الفريق".
وأختتم قائلاً:" وانا كزملكاوي بتمني النجاح يارب و يجيب اول، اهدافه في السوبر الافريقي أمام الغريم التقليدي ، ياريت محدش يسال سافر علي طيران ايه او هيوصل الساعة كام عشان الادارة متزعلش و بتوع الفيديوهات اللايف ميطلعوش علي المطار، واخيرا شكرا للناس اللي شتمت فالكومنتات رغم انه مزعلتش حد او قولت حاجه غلط".