حلت الفنانة روجينا ضيفة على برنامج الراديو بيضحك والذي تقدمه الإعلامية فاطمة مصطفى على راديو 9090 وتحدثت من خلاله عن العديد من الاشياء الهامة والتي من بينها تفاصيل تعرضها لحرق في الوجه أثناء قضاءها إجازة العيد في مدينة العلمين بالساحل الشمالي.
روجينا تكشف تفاصيل تعرضها لحرق في الوجه
وقالت روجينا في تصريحات رصدها موقع تحيا مصر: قضيت أسوأ عيد في حياتي، كنت رايحة أصيف واجتهد شوية وقولت عايزة أخد لون ومحستش بحاجة وأنا قاعدة في الشمس وعادة بعمل كدة كل سنة وأما روحت البيت لقيت مناخيري وعينيا وارمين والورم ده مبينزلش.
وأضافت: أنا رأس مالي وشي وجالي احساس أنه مش هيرجع تاني طبيعي.
روجينا: بنتي بتشتغل مساعد مخرج وبترفض الظهور معايا
وتطرقت روجينا في نفس اللقاء بالحديث عن ابنتيها مايا ومريم، فقالت عن مايا: بتشتغل مساعد مخرج بس مش بتوافق تبقى معايا في عمل فني وده مزعلني جدا، ونفسي اشتغل معاها جدا واتمنى ده بس خايفة اقترح عليها ترفض.
أما عن ابنتها مريم، فقالت روجينا: مريم مش أول مرة تمثل معايا وكل واحد بقى عنده قناة والنقد مبقاش بناء وزي ما فيه بيحبوا فيه بيكره، بس اللي عجبني فيها أن النقد ده مأثرش فيها وانا لو مكانها كنت زماني عيطت وموت نفسي واكتئبت، فأنا شايفة انها شخصية قوية جدا.
إصابة روجينا بحروق في الوجه
وكانت قد أعلنت روجينا منذ فترة عن إصابتها بحروق في الوجه، حيث قامت بنشر صورتين مختلفتين لها احداهم قبل الحرق والآخرى بعده، وعلقت عليها: الحمد والشكر لله، دا العيد اتحرقت في الشمس، وبقضي العيد مع الدكتور، مجرد ساعة في الشمس كنت كدا وبقيت كدا، حاولوا تبعدوا عن الشمس.
يذكر، أنه يعرض النجمة روجينا في الفترة الحالية مسلسل سر إلهي وذلك على شاشة قنوات dmc وتشارك في بطولته إلى جانب النجوم أحمد مجدى، رنا رئيس، مى سليم، محمد ثروت، نهى عابدين، محمود الحدينى، صلاح عبد الله، وأحمد بدير، وميمي جمال، وأحمد سلامة، ومحسن منصور، و مي سليم، و رشا مهدي، ومراد مكرم، ومحمود حجازي، ومريم أشرف زكي، يوسف الأسدي.
