أعربت الفنانة الشابة ملك زاهر عن استياءها من تعرضها للانتقادات بشكل مستمر، خاصة بعد ظهورها الأخير في إحدى الاجتماعات الخاصة بمبادرة UNFPA، حيث سخرت متابعة من ملابسها قائلة "انتي مكبرة نفسك ليه".
ملك زاهر ترد على منتقديها
وخرجت ملك زاهر في فيديو عبر حسابها الرسمي بموقع تبادل الصور والفيديوهات انستجرام نشرته على خاصية ستوري ورصده موقع تحيا مصر، قائلة: واحدة كتبالي على صوري الأخيرة انتي مكبرة نفسك ليه.. مش عايزة أفاجئك وأقولك إني كبيرة مش صغيرة ومش طفلة.. وبعدين أنا سفيرة مبادرة مهمة عايزاني ألبس أي سبونج بوب!
وتابعت ملك زاهر: والناس اللي بتكتبلي كنت أحلى وانتي تخينة خسيتي ليه.. انتوا عايزين مني إيه مع كفايا بقى
ملك زاهر تكشف سبب حبها لمجال التمثيل
وكانت قد كشفت ملك زاهر مؤخرا سبب حبها لمجال التمثيل، قائلة: أنا شخصية حساسة جدا وأي حاجة بتأثر فيها عشان كدة الفن كان بالنسبالي حاجة مهمة جدا من صغري، أنا كمان اتربيت في بيت فيه فن فحبيت كل حاجة ليها علاقة بالمهنة وراء الكاميرا أو قدام الكاميرا أو لبس التصوير كل الحاجات دي، وعرفت اني عايزة أمثل لما كنت بشوف فيلم او مسلسل بيتكلن عن المحامين فأحب اطلع محامية أو عن الطب فأبقى عايزة اكون دكتورة وبعدين قولت اكيد أنا مش عايزة أشتغل ده كله أنا اكيد عايزة أبقى ممثلة.
آخر أعمال ملك زاهر
وكانت آخر أعمال ملك زاهر مشاركتها في مسلسل محارب والذي تم عرضه ضمن سباق مسلسلات رمضان 2024 ولم يحقق نجاحات كبيرة في فترة عرضه بسبب ضخامة المنافسة الرمضانية وشاركت به إلى جانب كلا من النجوم حسن الرداد، أحمد زاهر، سلوى عثمان، تامر عبدالمنعم، ماجد المصري، محمود يس جونيور، والمسلسل من تأليف محمد سيد بشير، وإخراج شيرين عادل وإنتاج أحمد السبكي.
وتحدثت ملك زاهر عنه، قائلة: المؤلف محمد سيد بشير هو من رشحني للدور وكلمني وقالي أنا عارف أن الدور صغير لكن عارف أنك هتقدميه حلو.. واللي بيفرق معايا هو أهمية الدور نفسه مش حجمه ومهم في إيه وهتستفاد بإيه من خلاله.
