صرح الفنان حسن شاكوش أنه تعرض للعديد من أنواع الظلم خلال مسيرته، سواء في فترة ممارسته لعبة كرة القدم احترافيا، أو بعد دخوله مجال الفن بشكل رسمي.
وأكد حسن شاكوش خلال حواره مع الإعلامي عبد العزيز أحمد في برنامج "بالمايك والقلم": "أنا ربنا عوض عليا علشان اتظلمت، أنا من منطقة شعبية من بولاق الدكرور، والمنطقة دي اللي معهوش شغلانة ومتعلم كويس بيمشي غلط، لكن أنا الحمد لله حافظت على نفسي، وعمري ما شربت سيجارة ولا شيشة".
وتابع: "للأسف لو إنت في مجال الفن وقايم من على سجادة الصلاة هيقولوا إنت بتضحك علينا، مجالنا مشكلته إن الناس شايفاك من ورا الكاميرا مش شايفة حياتك الشخصية".
واعترف حسن شاكوش بأنه يواجه العديد من التعليقات السلبية من الجمهور قائلا: "ساعات على المسرح ألاقي ناس بتقول إنت مهيبر إنت شارب إيه، هي الدماغ عالية؟ وكل الحاجات دي بتضايقني نفسيا لأن أنا مش كده".
وأضاف: "مشكلة الفنان إن الناس شايفاه فلوسه حرام وبتاع نسوان وخمورجي وبتاع مخدرات، مش شايفين إن الفنان ربنا إداله الموهبة وفتح له باب رزق علشان ورايا بيوت ناس كتير غير أهلي بالكامل، ومعايا فرقتي 40 فرد وراهم أسر وفاتحين بيوت ناس".
على جانب آخر، احتفل حسن شاكوش بانتقال شقيقه الأصغر محمد شاكوش، لاعب نادي تليفونات بني سويف، لنادي مستقبل وطن.
ونشر شاكوش صورة شقيقه محمد أثناء تعاقده وعلق عليها كاتبا: "ألف مبروك لأخويا الصغير وابني على النادي الجديد وإن شاء الله يبقى موسم كله خير عليك وأشوفك في الممتاز يارب ياحبيبي".
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
