اتجهت أغلب النجمات لـ عمليات التجميل فهي الحل الأمثل والأسهل لإخفاء أي مشكلة وللمحافظة على جمالهم على مدار الساعة، في ين رفضت بعض النجمات أن تخضع لـ عنليات التجميل، رافعات شعار وجهي لوحة فنية، متقلبين تقدم العمر، وأن الجمال في البساطة، أبرزهن ميمي جمال وسوسن بدر.
نجمات رفضت عمليات التجميل
كشفت الفنانة ميمي جمال من خلال تصريحات تلفزيونية رصدها موقع تحيا مصر، عن رفضها إجراء عمليات التجميل نهائيًا، حيث قالت: " بعتبر وشي لوحة ربنا عملها، واللوحة دي كل فترة بيبان عليها حاجة، وأنا عارفة إني عندي ديفوهات في وشي معروفة بس أنا بداري ده بالمكياج، لكن أعمل عملية تجميل لا أخاف، وشوفت ناس عاملين وشكلهم اتغير إذا كان في شوية كرمشة ممكن لكن عملية لا".
سوسن بدر: أحط حقنه في وشي ليه؟
وفي نفس السياق، رفضت الفنانة سوسن بدر عمليات التجميل وقالت في إحدى لقاءاتها التلفزيونية: "أنا دلوقتي بقيت كده وزي ما الناس قبلتني زمان وحبوني، هيحبوني دلوقتي وأنا كده ويحبوني بعدين وأنا أكتر من كده، والخطوط اللي عندي في وشي أنا بحبها جدا، أحط حقنه في وشي ليه؟ أنا مش ضد ده كل واحد حر يعمل اللي يبسطه أنا اللي باسطني أني محافظة على حواديت عمري في وشي".
ريهام عبد الغفور ترفض عمليات التجميل
كشفت ريهام عبد الغفور رأيها في عمليات التجميل، من خلال لقاءها في برنامج حبر سري، وقالت: "أنا بكره شكلي لما يتغير حتى لو من المكياج، وجزء من شخصيتي إني بحب يكون شكلي طبيعي، عملت بوتوكس تحت تأثير السوشيال ميديا وتعليقات ضايقتني، لكن لم أحب شكلي بعد العملية، وحسيت إني غير مرتاحة لتعبيرات وجهي، وقعدت في البيت شهر تقريبًا".
غادة عبدالرازق: مش مطلوب مني أبقى مثالية 24 ساعة
ومن جانبها، أكدت غادة عبدالرازق موقفها من عمليات التجميل من خلال تصريخات تلفزيونية لها سابقة، حيث قالت: "عمري ما أحقن فيلر وبوتكس، أنا ممثلة وشي ده وتعبيراته هي اللي بتوصل للناس، ومش مطلوب مني أبقى مثالية 24 ساعة، الكمال لله وحده".
وبالنظر إلى عمليات التجميل التي حدثت مؤخرًا سنجد أن أغلبها تحول لعمليات تشويه وندمت أغلب الفنانات بسبب فشل عمليات التجميل، واعتمدن على الطبيعة التي تتغلب على كل شيء لأن ف النهاية الكمال لله وحده، ومع ذلك تلجأ بعض النجمات لـ عمليات التجميل حتى الآن.
