مفاجأة أكتوبر الكبرى..بريكس تتحرك رسميا للقضاء على الدولار

يا ترى ايه الاجتماع المهم اللى هيحصل الشهر الجاي؟ وايه علاقته بأزمة الدولارفى مصروكتيرمن الدول؟ وهل فعلا ممكن تتاخدخطوات رسمية فى الاجتماع ده للفضاء على هيمنة ونفوذ العملة الأمريكية ؟

كلها ايام وهيعقد فى مدينة كازان الروسية واحد من أهم وأخطر الاجتماعات الاقتصادية اللى هتتعمل السنة دي ورغم ان العنوان العريض للاجتماع سياسي الا انه هيكون ليه تداعيات كبيرة جدا على النزام المالى العالمي.. والاجتماع هو قمة مجموعة بريكس اللى هتستضيفها روسيا وهيشارك فيها كل الدول الأعضاء فى التجمع ومن بينهمطبعا مصر اللى انضمت رسميا لبريكس بداية من يناير 2024

طب ليه الاجتماع ده مهم أوى وخطير فى نفس الوقت؟

بص يا سيدى من كام يوم الرئيس الروسي فلاديمير بوتين طلع واتكلم وكشف النقاب عن أهم الموضوعات اللى قمة بريكس هتناقشها .. بوتين قال ان اجتماع بريكس القادم هيتناول بشكل جاد تغيير النظام المالي لدول المجموعة بحيث يكون التبادل التجاري إما بالعملات المحلية أو من خلال عُملة موحدة أو على أقل تقدير نظام مالي يضمن التميز لدول المجموعة والاستقلالية بعيدًا عن التبادل التجاري بالعملات الغربية..

طب الكلام ده معناه ايه ؟

الكلام ده معناه بوضوح ان دول بريكسهتتخلى عن التعامل بالدولار نهائيا بينها وبين بعضها فى المعاملات التجارية يعنى مثلا مصر والصين اى تبادل تجارى بينهم هيكون بالجنيه واليوان مش بالدولار أو لو الموضوع ده هيكون فيه صعوبات ففيه تفكير قوى حاليا فى استحداث عملة موحدةجديدة على غرار اليورو عملة اروربا الموحدة يعنى فى كل الاحوال مفيشتعامل تانى بالدولار

وهو ليه اصلا دول بريكس عاوزة تتخلى عن الدولار ؟

من بعد الحرب الروسية الاوكرانية واستخدام الولايات المتحدة عملتها كسلاح ضد روسيا وتجميد اصول ليها فى الولايات المتحدة وكمان طردها من النظام المالى العالمي وده خلا فيه مخاوف وقلق كبيرعندكتيرمن الدول انهم يفضلوا تحت رحمة الادارة الامريكية اللى ممكن تستخدم الدولار ضدهم فى اى وقت خصوصا وان العملة الامريكية تقريبا بتسيطر على اكتر من 70 % من حجم التعامل المالى العالمي سواء فى المعاملات التجارية اوحتى كعملة احتياط عالمية

ومن هنا ظهرت اتفاقيات تبادل العملات المحلية ودي اتفاقيات خاصة بتوقعها بعض الدول بينها وبين بعضها بيتم التخلى فيها رسميا عن الدولار فى التعاملات التجارية والاتجاه ده تعاظم بشكل اكبر بين الدول الأعضاء فى بريكس حول العالم وشفنا اتفاقيات مهمة حصلت فى الاطار ده

طب وهو تجمع بريكسده قوي اوى كده ؟

تجمع بريكس بيسيطر تقريبا على أكتر من 30% من حجم التجارة العالمية وبيضم فى عضويته دول عظمى زي روسيا والصين ومؤخرا التجمع بيتوسع وضم دول جديدة وهيضمدول تانية خلال الفترة الجاية والهدف من لاتجمع خدمة الاعضاء وحاليا بريكس عندها بنك التنمية الجديد اللى بينافس صندوق النقد الدولى لكنه بيتميزعنه انه بيقرض ادول التجمع بشروط ميسرة وفايدة منخفضة